काठमाडौं । साताको चौथो कारोबार दिन बुधबार सेयर बजार सामान्य अकंले घटेको छ ।
आज बजार २०.४१ अंकले घटेर बजार २६४५.३९ बिन्दुमा झरेको नेपाल स्टक एक्सचेन्जले जनाएको छ । बुधबार ७६ कम्पनीको मात्र सेयर मूल्य बढेको बजारमा ६ अर्ब २७ करोड ८९ लाख रुपैयाँको कारोबार भएको छ।
१५५ कम्पनीको सेयर मूल्य घटेको छ भने १३ कम्पनीको सेयर मूल्यमा परिवर्तन भएको छैन।
आज सबैभन्दा बढी आइसीएफसी फाइनान्सको शेयर मुल्यमा सकारात्मक सर्किट लागेको छ भने माहुली लघुवित्तको शेयर मुल्य सबै भन्दा बढी ४.२८ प्रतिशतले घटेको छ ।
मंगलबार भने बजार दोहोरो अंकले बढेको थियो ।
