काठमाडौं । कतार एयरवेजले भोलि मंगलबारदेखी भैरहवास्थित गौतमबुद्ध अन्तर्राष्ट्रिय विमानस्थलबाट दैनिक उडान गर्ने भएको छ।

नागरिक उड्डयन प्राधिकरणका अनुसार कतार एयरवेजले सातामा सातैवटा उडान गर्ने भएको हो । 

कतार एयरवेजले हाल कतार–काठमाडौं दैनिक ३ वटा उडान गर्दै आइरहेको छ। यससँगै मंगलबारबाट दोहा–भैरहवा–काठमाडौं–दोहा उडान गर्नेछ।

भैरहवाबाट यसअघि थाई एअर एशिया, फ्लाई दुबई, जजिरा र नेपाल एयरलाइन्सले अन्तर्राष्ट्रिय उडान गरिरहेका छन् ।

कतार एयरवेज थपिएसँगै भैरहवामा नियमित अन्तर्राष्ट्रिय उडान गर्ने वायुसेवाको संख्या ५ पुगेको छ।