काठमाडौं । नेपाली चलचित्र ‘रिमै’ को छायांकन सुरु गरिएको छ ।

गोरखाको सिरानचोकमा मुहूर्त गरेपछि चलचित्रको छायांकन थालिएको हो । ‘कबड्डी’ का जोडी दयाहाङ राई र रिश्मा गुरुङको लामो समयपछि यो सहकार्य जुरेको हो ।दयाहाङ र रिश्माले मुहूर्त सट दिएका थिए ।

अबको एक महिनासम्म गोरखाको सिरानचोक, झार गाउँ, भंगेरी, लासे, गोर्खा बजार क्षेत्रमा छायांकन हुने चलचित्रमा कविता आले मगर, माओत्से गुरुङ, पुष्कर गुरुङ, बुद्धि तामाङ, गौमाया गुरुङ, वीरवल घले, डिवी गुरुङ लगायतको पनि अभिनय रहनेछ ।

‘रिमै’को निर्मातामा वीरवल घले, टिका गुरुङ र दुन बहादुर घले छन् भने सह–निर्माता बिनु गुरुङ, रोशन भट्टराई र राजेश घिमिरे हुन् । उपेन्द्र सुब्बाको लेखन रहेको चलचित्रलाई शैलेन्द्र ध्वज कार्कीले छायांकन गर्नेछन् ।