काठमाडौं । साताको पहिलो कारोबार दिन आइतबार सेयर बजारमा सामान्य गिरावट आउको छ ।
आज बजार ९.९९ अंकले घटेर २७३८.०६ विन्दुमा झरेको नेपाल स्टक एक्सचेन्ज(नेप्से) ले जनाएको छ । मौद्रिक नीतिको समीक्षापछि बजार घटेको हो ।
बजार घटे पनि कारोबार रकम भने सामान्य बढेको छ। बिहीबार ८ अर्ब ५४ करोडको कारोबार भएको बजारमा आज ८ अर्ब ८३ करोड २३ लाख रुपैयाँको कारोबार भएको छ।
बजारमा आज ६३ कम्पनीको मात्र सेयर मूल्य बढेको छ भने १७८ कम्पनीको सेयर मूल्य घटेको छ । बाकी ३ कम्पनीको मूल्यमा परिवर्तन भएको छैन।
आज विकास बैंक समूहमा लगानीकर्ताको आकर्षण देखिएको छ । विकास बैंक समूह ४.५ प्रतिशत बढेको छ भने व्यापार समूह पनि ९ प्रतिशत बढेको छ ।
