काठमाडौं । राष्ट्रिय सूचना आयोगका नवनियुक्त प्रमुख आयुक्त सुरेशप्रसाद आचार्यले पद तथा गोपनीयताको शपथ लिएका छन् ।
बुधबार प्रधानमन्त्री केपी शर्मा ओलीसमक्ष प्रधानमन्त्री निवासमा एक समारोहमा प्रधानमन्त्री ओलीले प्रमुखआयुक्त आचार्यलाई पद तथा गोपनीयताको शपथ गराएका हुन् ।
प्रधानमन्त्रीको उपस्थितिमा प्रमुख आयुक्त आचार्यले नवनियुक्त आयुक्त गगन विष्ट र दुर्गा भण्डारीलाई पनि पद तथा गोपनीयताको शपथ गराए ।
समारोहमा सञ्चार तथा सूचना प्रविधिमन्त्री पृथ्बीसुब्बा गुरुङ, उक्त मन्त्रालयका सचिव राधिका अर्याललगायत उपस्थिति थियो । मङ्सिर ६ गते बसेको मन्त्रिपरिषद्को बैठकले उनिहरुलाई आयोगमा नियुक्त गरेको हो ।
