काठमाडौं । केहि दिनदेखी लगातार घटेको सेयर बजार आज सामान्य अंकले बढेको छ ।
साताको दोस्रो कारोबार दिन सोमबार सेयर बजार २८.९१ अंकले बढेर २६१२.२० को विन्दुमा पुगेको नेपाल स्टक एक्सचेन्ज(नेप्से)ले जनाएको छ । आज बजार १.११ प्रतिशतले बढेको हो ।
सोमबार एकसय ९४ वटा कम्पनीको सेयर मूल्य बढ्दा बजारमा चार अर्ब ४३ करोड २४ हजार रूपैयाँको कारोबार भएको छ। ४२ वटा कम्पनीको सेयर मूल्य घटेको छ भने बाकी ८ कम्पनीको सेयर मूल्यमा कुनै परिवर्तन भएको छैन।
आज सपोर्ट माइक्रोफाइनान्स वित्तीय संस्था लिमिटेड ,सुपर मादी हाइड्रोपावर लिमिटेड र बाराहि हाईड्रोपावर पब्लिक लिमिटेडको शेयर मूल्यमा सकारात्मक सर्किट लागेको छ ।
सोमबार मानुषी लघुवित्त वित्तीय संस्था लिमिटेडको सेयर मुल्य भने १० प्रतिशतले घटेको छ ।
