काठमाडौं । साताको अन्तिम कारोबार दिन बिहिबार सेयर बजारमा सामान्य अंकले वृद्धि भएको छ ।
आज बजार ४.१९ अंकले बढेर २६३०.७१को विन्दुमा पुगेको नेपाल स्टक एक्सचेन्ज(नेप्स)ले जनाएको छ । बजार बढेसंगै कारोबार रकम पनि बढेको छ । आज बजार ०.१५ प्रतिशतले बढेको हो ।
५ अर्ब ३२ करोड ९२ लाख रुपैयाँको कारोबार भएको बजारमा ७० कम्पनीको सेयर मूल्य बढेको छ। १६३ कम्पनीको सेयर मूल्य घटेको छ भने ९ कम्पनीको मूल्यमा कुनै परिवर्तन भएको छैन।
आज आत्मनिर्भर लघुवित्त वित्तीय संस्था लिमिटेड र सपोर्ट माइक्रोफाइनान्स बित्तीय संस्था लिमिटेडको सेयर मुल्य १० प्रतिशतले बढेको छ ।
त्यसैगरी कर्पोरेट विकास बैंक लिमिटेड,नारायणी विकास बैंक लिमिटेड र नारायणी विकास बैंक लिमिटेडको सेयर मुल्य १० प्रतिशतले घटेको छ ।
