काठमाडौं । पुस २६ गतेबाट प्रदर्शनमा आउने तयारीमा रहेको चलचित्र ‘कार्साङ’को ट्रेलर सार्वजनिक भएको छ ।
बुधबार सार्वजनिक गरेको ट्रेलरमा चलचित्रका मुख्य कलाकारहरु दयाहाङ राई, जितु नेपाल, दिया मास्के, सिर्जना निङलेखु, बुद्धि तामाङ रहेका छन् ।
ट्रेलरमा एउटा ग्रामिण क्षेत्रमा झाँक्री शक्ति, सामाजिक परम्परा, आर्थिक अभाव समेटिएको छ ।
दयाहाङ र सिर्जना विवाहित जोडीको भूमिकामा रहेको ट्रेलरले खुलाउँछ । त्यस्तै, दिया र जितु पनि जोडीकै भूमिकामा छन् । उनीहरुबीचको घरझगडाले ट्रेलरलाई रोमाञ्चक बनाएको छ ।
यार्सा फिल्म्स र पुरुषोत्तम प्रधान फिल्मसको प्रस्तुतिमा बनेको यो चलचित्रको निर्माता तथा छायांकार पुरुषोत्तम प्रधान हुन् ।
