काठमाडौं । शुक्रबारदेखी देशभरका चलचित्रमा हलमा नेपाली चलचित्र ‘कार्साङ’ प्रदर्शनमा आएको छ ।
यो चलचित्रलाई ठूलो मल्टिप्लेक्स चेन क्युएफएक्सले ५३ शो दिएको छ भने अन्य सिनेमा हलहरुले पनि राम्रो शो उपलब्ध गराएका छन् । जसअनुसार आईएनआई सिनेमाजले १३ शो दिएको छ भने एफक्युब सिनेमाजले सात शो दिएको छ ।
छायांकारसमेत रहेका पुरुषोत्तम प्रधान चलचित्रका निर्माता हुन् । चलचित्रले सिन्धुपाल्चोकको यार्सा गाउम्मा बसे शेर्पा समुदायको सांस्कृतिक पृष्ठभूमिमा पारिवारिक सम्बन्धको कथा भनेको छ ।
शेर्पा समुदायको कथावस्तुमा आधारित ‘कार्साङ’ यम शेर्पाले लेखन तथा निर्देशनमा तयार भएको चलचित्र हो । चलचित्रमा दयाहाङसहित जितु नेपाल, दीया मास्के, सिर्जना निङ्लेखु, बुद्धि तामाङ, रविन्द्र झालगायत कलाकारको अभिनय रहेको छ ।
