काठमाडौं । कीर्तिपुर अस्पतालले गत २ दिनदेखि उपचारमा रहेका उपप्रधान तथा अर्थमन्त्री विष्णु पौडेललाई डिस्चार्ज गरेको छ ।
सोमबार अस्पतालले विज्ञप्ती जारी गर्दै जलनको घाउ निको भएको र फोक्सोमा कुनै खराब असर नपरेकाले मन्त्री विष्णु पौडेललाई डिस्चार्ज गरेको जनाएको छ ।
पोखरा महानगरपालिकाका मेयर धनराज आचार्यको पनि स्वास्थ्य अवस्था सामान्य हुँदै गएको बताइएको छ । तर मेयर आचार्यको पहिलेदेखि नै उच्च रक्तचापको समस्या भएको कारण हृदयरोग विशेषज्ञसँग परामर्श भईरहेकोले केहि दिन थप उपचार हुने जानकारी गराएको छ ।
साथै, भेटघाट पनि संक्रमणको जोखिम कम गर्न हाललाई बन्द गरिएको छ ।
