काठमाडौं । आज (शुक्रबार) देखि नेपाली चलचित्र ‘झिल्को’ देशभर प्रर्दनमा आउँदै छ ।
शुक्रबार देखि प्रदर्शनमा आउने लागेको चलचित्र ‘झिल्को’ को बिहीबार साँझ काठमाडौंंमा ग्रान्ड प्रिमियर सो सम्पन्न भएको छ ।
बिहीबार साँझ काठमाडौंमा चलचित्र ‘झिल्को’को ग्रान्ड प्रिमियर सो सम्पन्न भएको हो ।
‘झिल्को’का कार्यकारी निर्माता उमेश पौडेल हुन् भने निर्माता सुशीला आचार्य, रामगोपाल थापा र किरणकुमार आचार्य रहेका छन् ।
आजको डिजिटल युगमा प्रविधिको अनियन्त्रित प्रयोगले बालबालिकाको जीवन, पारिवारिक सम्बन्ध र सामाजिक स्वास्थ्यमा पार्ने गम्भीर असरबारे संवेदनशील कथामा बनेको छ ।
यस चलचित्रमा स्मार्टफोनको लतले निम्त्याउने पारिवारिक समस्या, अभिभावकको बेवास्ता र अभिभावक–सन्तानबिच बढ्दो दूरीजस्ता समस्या केन्द्रीत छ ।
चलचित्रमा आयुषी ढकालसाथै, सुनील पोखरेल, वर्षा सिवाकोटी, विशाल पोखरेल, भोलाराज सापकोटा, जान्वी बस्नेत, जेनिश श्रेष्ठ र जेभिश श्रेष्ठको मुख्य अभिनय रहेको छ ।
मिडिया फर कल्चर प्रा.लि.को ब्यानरमा निर्माण गरिएको चलचित्रको छायांकन दीपक बज्राचार्य, सम्पादन निमेष श्रेष्ठ, कलर तथा साउन्ड मिक्सिङ श्याम कुँवर र साउन्ड डिजाइन उत्तम न्यौपानेले गरेका छन् । चलचित्रको कथा तथा पटकथा यादवकुमार भट्टराईले अरुणदेव जोशी र देव व्रतसँग मिलेर तयार पारेका हुन् ।
