काठमाडौं । साताको अन्तिम कारोबार दिन बिहिबार सेयर बजार झिनो अंकले घटेको छ ।
आज बजार ६.५५ अंकले घटेर २७१९.७७ को विन्दुमा झरेको नेपाल स्टक एक्सचेन्ज(नेप्से) ले जनाएको छ ।
बजार घटे पनि बिहिबार कारोबार रकम भने सामान्य बढेको छ । बुधबार ४ अर्ब ७३ करोडको कारोबार भएको बजारमा बिहिबार ५ अर्ब १४ करोडको कारोबार भएको छ ।
त्यसैगरी आज ८५ कम्पनीको सेयर मुल्य बढेको छ भने १६५ कम्पनीको सेयर मुल्य घटेको छ । बाकी १ कम्पनीको सेयर मुल्य कुनै पनि परिर्वतन आएको छैन् ।
