काठमाडौं । साताको चौथो कारोबार दिन बुधबार सेयर बजार सामान्य अंकले बढेको छ । 

आज बजार १०.८७ अंकले बढेर २६३३.७६ को विन्दुमा बन्द भएको नेपाल स्टक एक्सचेन्ज(नेप्से) ले जनाएको छ ।  

बजार बढेसंगै कारोबार रकम पनि बढेको छ । सोमबार ४ अर्ब ७७ करोडको कारोबार भएको बजारमा आज ५ अर्ब १३ करोडको कारोबार भएको छ । 

त्यसैगरी आज १६३ कम्पनीको सेयर मुल्य बढेको छ भने ८९ कम्पनीको सेयर मुल्य घटेको छ । बाकी ८ कम्पनीको सेयर मुल्यमा कुनै परिर्वतन आएको छैन् ।