काठमाडौं । नेपाल आईसीसी महिला टी–२० विश्वकप क्रिकेटको ग्लोबल छनोटबाट बाहिरीएको छ ।
सोमबार समुह चरणको अन्तिम खेलमा स्कटल्याण्डसँग ७२ रनले पराजितसंगै नेपाल विश्वकप छनोटबाट बाहिरीएको हो ।
१४१ रनको लक्ष्य पछाएको नेपाल १३.५ ओभरमा अलआउट हुदैँ ६८ रन मात्र बनायो । नेपालका लागि रोमा थापा र बिन्दु रावलले १४–१४ रन बनाए ।
यसअघि टस हारेर ब्याटिङ गरेको स्कटल्यान्डले २० ओभरमा अलआउट हुदैँ १४० रन बनाएको थियो ।
समूह चरणमा नेपालले एक खेलमा मात्रै जित निकाल्न सक्यो । नेपाल रहेको समूहबाट नेदरल्याण्ड्स, स्कटल्याण्ड र थाइल्याण्ड सुपर सिक्समा प्रवेश गरेका छन्। नेपाल र जिम्बाब्बे चौथो र पाँचौं नम्बरमा रहँदै प्रतियोगिताबाट बाहिरिएका हुन्।
