काठमाडौं । राष्ट्रिय स्वतन्त्र पार्टी (रास्वपा) का मोरङ जिल्ला सदस्य दुर्गा रेग्मीको हृदयाघातका कारण निधन भएको छ।

मोरङ क्षेत्र नम्बर–२ मा जारी मतगणनामा सहभागी हुन पुगेका रेग्मी शुक्रबार बिहान मतगणना सुरु भएको केहीबेरमै अचानक लडेका थिए।

उनलाई तत्काल उपचारको प्रयास गरिए पनि घटनास्थलमै मृत्यु भएको जिल्ला प्रहरी कार्यालय मोरङका प्रहरी उपरीक्षक कवित कटुवालले जानकारी दिएका छन्।

प्रहरीका अनुसार प्रारम्भिक जानकारीअनुसार रेग्मीको मृत्यु हृदयाघातका कारण भएको देखिएको छ।