काठमाडौं । प्रतिनिधिसभा सदस्यको समानुपातिक निर्वाचन प्रणालीतर्फ हालसम्म कूल ८३ लाख ८ हजार ८१३ मत गणना भएको छ ।
सोमबार बिहान १०:४० बजेसम्मको विवरण अनुसार राष्ट्रिय स्वतन्त्र पार्टीले सबैभन्दा बढी मत प्राप्त गरेको छ । रास्वपाले ४० लाख १० हजार १७ मत प्राप्त गरेको छ ।
त्यस्तै, दोस्रो स्थानमा रहेको नेपाली कांग्रेसले १३ लाख ४९ हजार ७८९ मत ल्याएको छ भने नेकपा एमलेले ११ लाख ४३ हजार ९०१ मत ल्याएको छ ।
नेपाली कम्युनिस्ट पार्टीले ५ लाख ८८ हजार ९२ मत प्राप्त गरेको छ । यसैगरी, श्रम संस्कृति पार्टीले २ लाख ९० हजार २८ मत प्राप्त गरेको छ भने राष्ट्रिय प्रजातन्त्र पार्टीले २ लाख ७५ हजार १६२ मत ल्याएको छ ।
