काठमाडौं । शेरबहादुर देउवा र उनकी पत्नी आरजु राणा देउवालाई पक्राउ नगर्न सर्वोच्च अदालतले अन्तरिम आदेश दिएको छ ।
सोमबार न्यायाधीशद्वय महेश शर्मा पौडेल र नित्यानन्द पाण्डेयको संयुक्त इजलासले अनुसन्धानको क्रममा देउवा दम्पतीलाई तत्काल पक्राउ नगर्न आदेश जारी गरेको हो ।
सम्पत्ति शुद्धीकरण अनुसन्धान विभागले जिल्ला अदालत काठमाडौंबाट पक्राउ पुर्जी जारी भएपछि त्यसविरुद्ध देउवा दम्पतीले सर्वोच्चमा रिट निवेदन दायर गरेका थिए ।
