काठमाडौं ।  राष्ट्रिय मानव अधिकार आयोगले जेन्जी आन्दोलनसँग सम्बन्धित मानवअधिकार उल्लंघन घटनाको अनुसन्धान प्रतिवेदन नेपाल सरकारलाई बुझाएको जनाएको छ।

आयोगद्वारा जारी प्रेस–नोट अनुसार, २०८२ भदौ २३ र २४ गते भएको जेन्जी आन्दोलनका क्रममा भएका मानवअधिकार उल्लंघनबारे आयोगको २०८३-२-१३ को बैठकले निर्णय तथा सिफारिस पारित गरेको हो।

आयोगले घटनाको अनुसन्धान गर्न गठित समितिले अनुसन्धान सम्पन्न गरी प्रतिवेदन पेश गरिसकेको जनाएको छ। उक्त प्रतिवेदनका आधारमा नेपाल सरकार, प्रधानमन्त्री तथा मन्त्रिपरिषद्को कार्यालयलाई आवश्यक सिफारिससहित पत्राचार गरिएको आयोगले उल्लेख गरेको छ।