काठमाडौं । साताको चौथो कारोबार दिन बिहिबार सेयर बजार दोहारो अंकले बढेको छ ।
आज बजार १४.१७ अंकले बढेर २७२६.७२ को विन्दुमा बन्द भएको नेपाल स्टक एक्सचेन्ज (नेप्से) ले जनाएको छ ।
बजार बढे पनि बिहिबार कारोबार रकम भने सामान्य घटेको छ । बुधबार ५ अर्ब १८ करोडको कारोबार भएको बजारमा आज ४ अर्ब ६९ करोडको कारोबार भएको छ ।
त्यसैगरी आज १५३ कम्पनीको सेयर मुल्य बढेको छ भने १११ कम्पनीको सेयर मुल्य घटेको छ । बाकी १२ कम्पनीको सेयर मुल्यमा भने कुनै परिर्वतन आएको छैन् ।
