काठमाडौँ । एसियाली खेलकुदको पुरुष क्रिकेट प्रतियोगिता अन्तर्गतको खेलमा नेपालले अफगानिस्तानलाई हराउँदै विजयी सुरुवात गरेको छ ।

शुक्रबार भएको खेलमा नेपालले अफगानिस्तानलाई ५ विकेटले हराएको हो ।

१०३ रनको लक्ष्य पछाएको नेपालले १७.२ ओभरमा ५ विकेट गुमाउदै लक्ष्य पुरा गरेको हो । नेपालको जितमा सन्दीप जोराले सर्बाधिक ३४ रन बनाए भने रोहित पौडेलले अविजित ३३ रन बनाए। 

यसअघि टस जितेर पहिला ब्याटिंग गरेको अफगानिस्तानले २० ओभरमा ७ विकेट गुमाउदै १०२ रन बनाएको थियो । अफगानिस्तानका लागि फैजल खान अहमदजाइ र नाजिबुल्लाह जद्रानले ३०-३० रन बनाएका थिए  ।