पाँचौं संस्करणको स्थानीय तह सहीद स्मृति अन्तराष्ट्रिय मकवानपुर गोल्डकप अन्तर्गत आज सोमबार दोस्रो सेमिफाईनलमा एभिनियर एफसी क्यामरुन र ए डिभिजन क्लब हिमालय शेर्पा क्लब बीच खेल हुदैछ । दुई टिम बीचको खेल पिप्ले-क्याम्पा रंगशालामा दिउँसाेको ३ बजे देखि सुरु हुनेछ ।
एभिनियर एफसीले क्वाटरफाईनलमा वीरगञ्ज युनाइटेडलाई २-० ले पराजित गर्दै सेमिफाईनलमा आफ्नो स्थान पक्का गरेको थियो ।
ए डिभिजन क्लब हिमालय शेर्पा क्लबले फ्रेण्डस् क्लबलाई २-१ गोलले पराजित गर्दै सेमिफाईनलमा प्रवेश गरेको हो।
आइतबार पहिलो सेमिफाइनल खेलमा एपीएफ क्लबलाई टाइब्रेकरमा ४-२ गोलले हराउँदै मनाङ मर्स्याङ्दी क्लबले फाइनलको यात्रा तय गरेको हो।
मकवानपुर जिल्ला फुटबल संघको आयोजनामा जारी प्रतियोगिताको बिजेताले १५ लाख र उपबिजेताले १० लाख प्राप्त गर्नेछ । प्रतियोगिता फागुन १९ गतेसम्म संचालन हुनेछ ।
