काठमाडौं । त्रिवि क्रिकेट मैदानमा जारी आईसिसी विश्वकप क्रिकेट लिग २ अन्तर्गत स्कटल्यान्डले नामिबियालाई २२२ रनको विशाल लक्ष्य प्रस्तुत गरेको छ ।
त्रिवि क्रिकेट मैदानमा टस हारेर पहिले ब्याटिङ गरेको स्कटल्यान्डले ४८.४ ओभरमा सबै विकेट गुमाएर २२१ रन जोड्यो ।
स्कटल्यान्डका लागि क्रिस्टोफर म्याकब्राइडले ४७, टोमस माकिन्टोसले ३४, कप्तान रिची बेरिङ्टनले ३२ तथा लियाम नेयलरले २० रन बनाए । माइकल लिस्कले २९ रन बनाए ।
यता नामिबियाका लागि रुवेन ट्रम्पेलम्यानले सर्वाधिक ५ विकेट लिए भने टंगेनी लुङ्गामेनी २ विकेट तथा बेन सिकोन्गो र बर्नार्ड स्कोल्जले १/१ विकेट लिए ।
जारी सिरिजमा नामिबियाले अघिल्ला ३ वटै खेलमा पराजित भएको थियो । दुई खेल खेलेको स्कटल्यान्डले भने एक खेलमा जित तथा एक खेलमा पराजय भोगेको छ । नामिबियाले नेपालविरुद्ध २ तथा स्कटल्यान्डविरुद्ध १ खेलमा पराजय भोगेको थियो ।
