काठमाडौँ । म्यानचेस्टर सिटी इंग्लिस नकआउट फुटबल प्रतियोगिता एफए कपको क्वाटरफाइनलमा प्रवेश गरेको छ ।
मंगलबार राति भएको खेलमा म्यानचेस्टर सिटीले ब्रिस्टोल सिटीलाई ३-० गोल अन्तरले पराजित गर्दै एफए कपको क्वाटरफाइनलमा प्रवेश गरेको हो ।
म्यानचेस्टर सिटीको जितमा फिल फोडेनले दुई गोल गरेका थिए भने केभिन डी ब्रुनेले एक गोल गरेका थिए ।
गएराती नै भएको अन्य खेलमा ब्राइटनले स्टक सिटीलाई १-० गोल अन्तरले पराजित गर्दै क्वाटरफाइनलमा पुगेको छ भने ब्ल्याकबर्न रोभर्सले लेस्टर सिटीलाई २-१ गोल अन्तरले पराजित गर्दै क्वाटरफाइनलमा पुगेको छ ।
त्यस्तै फुलह्यामले लिड्स युनाइटेडलाई २-० गोल अन्तरले पराजित गर्दै क्वाटरफाइनलमा पुगेको छ ।
