काठमाडौं । शहिद स्मारक ए डिभिजन लिग फुटबल अन्तर्गत न्यु रोड टिम (एनआरटी)ले एफसी खुमलटारमाथि शानदार पुनरागमन जित निकालेको छ ।
शुक्रबार दशरथ रंगशालाम भएको दिनको अन्तिम खेलमा एनआरटीले खुमलटारलाई ३-२ गोलअन्तरले पराजित गरेको हो ।
एनआरटीले पहिलो हाफमा २-० ले पछि परेको खेलको दोस्रो हाफमा ३ गोल गरेको हो ।
एनआरटीका लागी विक्रम धिमाल र निकोलस सङ्गले समान १/१ गोल गर्दा १ गोल आत्मघाती उपहार पायो ।
यता खुमलटारका लागि स्टेफन समिर विनोङ र राजिव लोप्चनले समान १/१ गोल गरे ।
उक्त जितसँगै एनआरटी १७ खेलमा २१ अंकका साथ नवौ स्थानमी उक्लिएको छ । पराजित खुमलटार १७ खेलमा १७ अंक जोड्दै तालिकाको पुछारमा रहेको छ ।
