काठमाडौं । नेपाली बजारमा बुधबार सुनको मूल्य बढेको छ ।
आज छापावाला सुन तोलामा ८०० रुपैयाँले बढेर १ लाख ५३ हजार १०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । यो मूल्य हालसम्मकै उच्च हो ।
मंगलबार सुनको मूल्य तोलामा १ लाख ५२ हजार ३००रुपैयाँमा कारोबार भएको थियो ।
यसैगरी, आज चाँदीको मूल्य तोलाको १ हजार ८५५ रुपैयाँमा कारोबार भइरहेको महासंघले जनाएको छ । मंगलबार भने यसको मूल्य प्रतितोला १ हजार ८५० रुपैयाँ थियो ।
