काठमाडौं । नेपाली बजारमा बिहीबार सुनको मूल्यले नयाँ रेकर्ड बनाएको छ ।
आज छापावाला सुनको मूल्य १०० रुपैयाँले बढेर प्रतितोला १ लाख ५३ हजार २०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । यो मुल्य हालसम्मकै उच्च मुल्य हो ।
अघिल्लो कारोबार दिन बुधबार सुनको मूल्य तोलाको १ लाख ५३ हजार १०० रुपैयाँ कायम भएको थियो ।
यसैगरी, आज चाँदीको मूल्य भने घटेको छ । आज चाँदीको मूल्य तोलाको १ हजार ८३० रुपैयाँमा कारोबार भइरहेको छ । बुधबार चाँदीको मूल्य तोलाको १ हजार ८५५ रुपैयाँ कायम थियो ।
