काठमाडौं । नेपाली बजारमा बुधबार सुनको मूल्य अहिलेसम्मकै उच्च विन्दुमा पुगेको छ ।
आज सुन तोलामा एक हजारले बढेर प्रतितोलाको एक लाख ५३ हजार ४सय रुपैँयामा कारोबार भइरहेको नेपाल सुनचाँदी व्यवसायी महासंघले जनाएको छ । यो सुनको अहिलेसम्मकै उच्च मुल्य हो ।
यस अघि मंगलबार सुन तोलाको १ लाख ५२ हजार ४ सय रुपैयाँमा कारोबार भएको थियो ।
त्यस्तै आज चाँदीको मूल्य पनि बढेको छ । आज चाँदी तोलामा १५ रुपैयाँले बढेर १७८० रुपैयाँमा कारोबार भइरहेको महासंघले जनाएको छ ।
