काठमाडौं । नेपालले भुटानलाई पराजित गर्दै साफ यू–१७ च्याम्पियनसिपको सेमिफाइनलमा पुगेको छ ।
बुधबार भुटानको थिम्पूमा भएको खेलमा नेपालले भुटानलाई २–१ ले पराजित गर्दै सेमिफाइनलमा प्रवेश गरेको हो ।
अब फाइनल प्रवेशका लागि नेपालले समूह ‘ए’ विजेता भारतको सामना गर्नेछ । समूह ‘बी’ मा नेपाल छ अंक सहित दोस्रो स्थानमा छ भने पाकिस्तान सात अंकमा समूह विजेता छ । उसले अर्को सेमिफाइनलमा समूह ‘ए’ को उप–विजेता बंगलादेशको सामना गर्नेछ ।
नेपालले आउँदो शनिबार भारतसँग पहिलो सेमिफाइनल खेल्ने छ भने सोमबार फाइनल खेल हुनेछ ।
