काठमाडौं । भारतलाई पराजित गर्दै बंगलादेशले यु १९ एसिया कप जितेको छ ।
आइतबार युएईमा भएको यु १९ एसिया कपको फाइनल खेलमा भारतलाई ५९ रनले पराजित गर्दै बंगलादेश लगातार दोस्रो पटक च्याम्पियन भएको हो ।
बंगलादेश यसअघि २०२३ मा युएईमा नै भएको यु १९ एसिया कपमा घरेलु टोलीलाई पराजित गर्दै च्याम्पियन भएको थियो ।
१ सय ९९ रनको लक्ष्य पछ्याएको भारतले ३५.२ ओभरमा अल आउट हुँदै १ सय ३९ रन मात्र बनायो ।
भारतका कप्तान मोहम्मद अमानले सर्वाधिक ३६ रन बनाए भने हार्दिक राज २४, केपि कार्तिक्य २१ रन जोडे । बंगलादेशका लागि अजिजुल हाकिम र एकवाल होसैनले समान ३ तथा अल फहादले २ विकेट लिए ।
त्यसअघि टस हारेर ब्याटिङको निम्तो पाएको बंगलादेशले ४९.१ ओभरमा १ सय ९८ रन बनाएको थियो ।
बंगलादेशका रियाज होसनले सर्वाधिक ४७ तथा मोहम्मद जेम्सले ४० रन जोडे ।
भारतका लागि युदराज गुहा, चेतन शर्मा र हार्दिक राजले समान २ तथा किरन चोरमाली, केपि कार्तिय र आयुष महतराले समान १ विकेट लिए ।
