काठमाडौं । साताको तेस्रो कारोबार दिन मंगलबार सेयर बजार सामान्य अंकले बढेको छ ।
आज बजार १४.११ अंकले बढेर २६२६.३१ को विन्दुमा पुगेको नेपाल स्टक एक्सचेन्ज(नेप्से)ले जनाएको छ । आज बजार ०.५४ प्रतिशतले बढेको हो ।
मंगलबार ५ अर्ब २० करोड २२ लाख रुपैयाँको कारोबार भएको बजारमा १६७ कम्पनीको सेयर मूल्य बढेको छ। ७१ कम्पनीको सेयर मूल्य घटेको छ भने ६ कम्पनीको मूल्यमा परिवर्तन भएको छैन।
आज आत्मनिर्भर लघुवित्त वित्तीय संस्था लिमिटेड,गुराँस लघुवित्त वित्तीय संस्था लिमिटेड र सामुदायिक लघुवित्त वित्तीय संस्था लिमिटेडको सेयर मुल्य १० प्रतिशतले बढेको छ । भने सपोर्ट माइक्रोफाइनान्स बित्तीय संस्था लिमिटेडको सेयर मुल्य १० प्रतिशतले घटेको छ ।
