काठमाडौं । काठमाडौंको शंखरापुर नगरपालिका–५ मा बुधबार भएको स्कुल बस दुर्घटनामा घाइते भएकामध्ये २७ जनाको डिस्चार्ज भएको छ । 

विभिन्न अस्पतालमा उपचाररत घाइतेमध्ये २७ जनाको डिस्चार्ज भएको हो भने अन्य १६ जना घाइतेको उपचार जारी रहेको प्रहरीले जनाएको छ । 

जिल्ला प्रहरी परिसर काठमाडौंका एसपी तथा प्रवक्ता अपिलराज बोहराका अनुसार घाइतेमध्ये एक जनाको अवस्था गम्भीर छ । उनको मेडिसिटी अस्पतालमा उपचार भइरहेको छ । 

शंखरापुर नगरपालिकास्थित वडा नम्बर ५ मा विद्यार्थीहरू बनभोज गएर फर्किएको बा २ ख ७९५८ नम्बरको बस दुर्घटनामा परेको थियो । बुधबार नै उपचारको क्रममा ३ जनाको मृत्यु भएको छ ।