काठमाडौं । काठमाडौंबाट रामेछाप हुँदै ओखलढुंगा जाँदै गरेको बस धुलिखेलमा दुर्घटना हुदाँ १८ जना घाइते भएका छन् ।

मंगलबार बिहान बागमती प्रदेश-३-०१-००५ ख ९९४२ नम्बरको बस धुलिखेल नगरपालिका-१०, सारादा बतासेस्थित बिपी राजमार्गमा बस दुर्घटनामा परेको हो ।

दुर्घटनामा घाइते हुनेमा बस चालक र सह-चालक सहित १८ जना रहेको जिल्ला प्रहरी कार्यालय काभ्रेले जनाएको छ । बसमा २४ जना सवार थिए ।

घाइतेहरूलाई उपचारको लागि धुलिखेल अस्पतालमा पठाइएको प्रहरीले जनाएको छ ।