काठमाडौं । नेपाली बजारमा शुक्रबार सुनको मूल्य घटेको छ ।
बिहीबार नयाँ रेकर्ड बनाएको सुनको मूल्य आज तोलामा ३ हजार ९ सय रुपैयाँले घटेको हो ।
नेपाल सुनचाँदी व्यवसायी महासङ्घका अनुसार शुक्रबार छापावाल सुनको मूल्य तोलाको एक लाख ७६ हजार ४ सय रुपैयाँमा कारोबार भइरहेको छ । बिहीबार सुन तोलामा एक लाख ८० हजार ३ सय रुपैयाँका कारोबार भएको थियो ।
यस्तै, आज चाँदीको मूल्य पनि घटेको छ । आज चाँदी एक हजार ८७० रुपैयाँमा कारोबार भइरहेको महासङ्घले जनाएको छ । बिहीबार चाँदी एक हजार ९९५ रुपैयाँमा कारोबार भएको थियो।
