काठमाडौं । नेपाल शिक्षक महासंघले विद्यालय शिक्षा विधेयक पारित गर्न सरकारलाई २० दिनको अल्टिमेटम दिएको छ ।
शुक्रबार पत्रकार सम्मेलन गर्दै महासंघले साउन २१ गतेभित्र विधेयक पारित नभए कडा आन्दोलनमा जाने चेतावनी दिदै अल्टिमेटम दिएको हो ।
महासंघले आन्दोलनको स्वरुप र कार्यक्रमहरु भने पछि सार्वजनिक गर्ने बताएको छ । असार १५ गतेभित्र विद्यालय शिक्षा विधेयक प्रतिनिधि सभाबाट पारित गर्ने प्रतिवद्धताबाट सरकार पछि हटेको महासंघले जनाएको छ ।
साउन २१ गतेभित्र विधेयक पारित नभए पुनः आन्दोलनमा जानुको विकल्प नभएको बताउदै उनीहरुले सहमति कार्यान्वयनमा सरकारलाई इमान्दार हुन आग्रह गरेका छन् ।
