काठमाडौं । नेपाली बजारमा लगातार नयाँ रेकर्ड बनाउँदै आएको सुनको मुल्यले बुधबार पनि नयाँ रेकर्ड बनाएको छ ।
आज सुन तोलामा १० हजार ४ सय रुपैयाँले बढेर प्रतितोला २ लाख ९५ हजार १ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । यो हालसम्मकै उच्च मुल्य हो ।
मंगलबार सुन प्रतितोला २ लाख ८४ हजार ७ सय रुपैयाँमा कारोबार भएको थियो ।
त्यसैगरी आज चाँदी प्रतितोला ५ हजार ९२० रुपैयाँमा कारोबार भइरहेको छ ।
