काठमाडौं । साताको अन्तिम कारोबार दिन शुक्रबार सेयर बजार झिनो अंकले घटेको छ ।
आज बजार ४ अंकले घटेर २७२४.०३ को विन्दुमा बन्द भएको नेपाल स्टक एक्सचेन्ज (नेप्से) ले जनाएको छ ।
बजार घटेर बन्द भए पनि कारोबार रकम भने बढेको छ । बिहिबार ३ अर्ब ९० करोडको कारोबार भएको बजारमा आज ४ अर्ब ३४ करोडको कारोबार भएको छ ।
त्यसैगरी आज ९२ कम्पनीको सेयर मुल्य बढेको छ भने १६७ कम्पनीको सेयर मुल्य घटेको छ । बाकी १२ कम्पनीको सेयर मुल्यमा कुनै परिर्वतन आएको छैन् ।
