काठमाडौं । साताको दोसो कारोबार दिन मंगलबार सेयर बजार दोहोरो अंकले बढेको छ । 

आज बजार २४.५७ अंकले बढेर २६५१.६८ को विन्दुमा बन्द भएको नेपाल स्टक एक्सचेन्ज (नेप्से) ले जनाएको छ । 

बजार बढे संगै मंगलबार कारोबार रकम पनि बढेको छ । सोमबार ३ अर्ब ५५ करोडको कारोबार भएको बजारमा आज ४ अर्ब ४० करोडको कारोबार भएको छ । 

त्यसैगरी आज २१० कम्पनीको सेयर मुल्य बढेको छ भने ५२ कम्पनीको सेयर मुल्य घटेको छ । बाकी १० कम्पनीको सेयर मुल्यमा कुनै परिर्वतन आएको छैन ।