काठमाडौं । राजधानीमा जारी सिजनको शहिद स्मारक ए डिभिजन लिग फुटबल प्रतियोगितामा चर्च ब्वाइजले एफसी खुमलटारलाई पराजित गरेको छ ।
मंगलबार सातदोबाटोस्थित एन्फा कम्प्लेक्समा भएको खेलमा चर्च ब्वाइजले एफसी खुमलटारलाई ३(१ गोल अन्तरले पराजित गरेको हो ।
चर्च ब्वाइजका लागि खेलको ११औं मिनेटमा आशिष चापागाईं, १८औं मिनेटमा एरिक विष्ट र ७१औं मिनेटमा आशिष चापागाईंले आफ्नो लागि दोस्रो र चर्च ब्वाइजका लागि तेस्रो गोल गरेका थिए ।
त्यस्तै एफसी खुमलटारका लागि खेलको ४०औं मिनेटमा मेसुके ओलोउमोउले गोल गरेका थिए ।
उक्त जितसँगै चर्च ब्वाइजको ए डिभिजन लिगमा यो लगातार दोस्रो जित हो । चर्च ब्वाइजको २ खेलमा ६ अंक भएको छ भने एफसी खुमलटारले २ खेलमा एक जित र एक हार बेहोरेको छ ।
