शहीद स्मारक ए डिभिजन लिग फुटबलमा मनाङ मस्र्याङ्दी क्लबले पहिलो जित निकालेको छ ।
त्रिपुरेश्वरस्थित दशरथ रंगशालामा आज भएको अन्तिम खेलमा मनाङले संकटा क्लबलाई १–० गोल अन्तरले पराजित गरेको हो ।
मनाङको जितमा उज्वेकिस्तानका साइदजामोल दाभ्लातजोनोभले गरेको १ मात्र गोल नै निर्णायक बन्न पुग्यो ।
मनाङको पहिलो जित हो भने संकटाको पहिलो हार हो ।
दाभ्लातजोनोभले ५४ औं मिनेटमा गोल गर्दै अग्रता दिलाएका थिए ।
सोही अग्रता अन्तिमसम्म कायम राख्दै मनाङले स्पष्ट ३ अंक लिन सफल भयो ।
