काठमाडौँ । अखिल नेपाल फुटबल संघ (एन्फा)को आयोजनामा राजधानीमा जारी यस सिजनको सहिद स्मरका ए डिभिजन लिग फुटबलमा अन्तर्गत जावलाखेल युथ क्लबले एनआरटीलाई पराजित गरेको छ ।
विहिबार एन्फा कम्लेक्समा सम्पन्न खेलमा जावलाखेलले एनआरटीलाई २-१ गोल अन्तरले पराजित गर्दै लगातार दोस्रो जित हासिल गरेको छ ।
जावलाखेलको जितमा सिमान्त थापा र फोडे फोफानाले एक एक गोल गरेका थिए भने एनआरटीका लागि संजिव विष्टले एक गोल फर्काएका थिए ।
उक्त जितसँगै जावलाखेल युथ क्लबको २ खेलमा ६ अंक भएको छ भने एनआरटीले भने दुई खेलमा लगातार दोस्रो हार बेहोरेको छ ।
