काठमाडौं । अखिल नेपाल फुटबल संघ (एन्फा)को आयोजनामा राजधानीमा जारी शहिद स्मारक ए डिभिजन लिग फुटबल अन्तर्गत तेस्रो चरणको आज अन्तिम २ खेल हुँदैछ ।
आज हुने दुई खेलमा एक खेल अखिल नेपाल फुटबल संघ (एन्फा) को मुख्याल सातदोबाटोमा हुने भने अर्को खेल च्यासल मैदानमा हुनेछ । यी दुबै खेल दिउँसो २:३० बजेबाट सुरु हुनेछ ।
आज हुने एन्फामा हुने खेलमा साविक विजेता मछिन्द्र फुटबल क्लबले मनाङ मर्स्याङदी फुटबल क्लबसँग खेलनेछ । जारी सिजन सुरुवाती २ खेलमै पराजय भोगेको मछिन्द्र आजको खेलमा जित निकाल्दै पहिलो जितको खेजिमा रहेको छ । मछिन्द्र पहिलो खेलमा जावलाखेल सँग ३-१ र आर्मीसँग २-० गोलले पराजित भएको थियो ।
यस्तै यता मानङ पनि मछिन्द्रलाई हराउँदै जारी सिजन दोस्रो जित निकाल्ने दाउँमा रहेको छ । पहिलो खेलमा शर्पासँग १-१ गोलको बराबरीमा रोकिएको मनाङले दोस्रो खेलमा संकटालाई १-० गोलले पराजित गरेको थियो ।
यता आजै च्यासल मैदान हुने खेलमा साविक उपविजेता आर्मीले गत सिजन तेस्रो स्थान हात पारेको एनआरटीसँग खेल्नेछ । जारी सिजन सुरुवाती दुबै खेलमा हार ब्यहोरेको एनआटी आर्मीलाई हारउँदै पहिलो जित निकाल्ने दाउमा रहेको छ भने २ खेलमा एक हार र एक बराबरी खेलको आर्मी दोस्रो जितको खोजिमा रहेको छ ।
यस्तै हिजो भएको खेलमा संकटा र सातदोबाटो विजयी हुँदा एपीएफ र जावलाखेलले गोलरहित बराबरी खेले ।
