काठमाडौँ । साविक विजेता रियल म्याड्रिड यूरोपको सबैभन्दा ठूलो क्बल फुटबल प्रतियोगिता युइएफए च्याम्पियन्स लिगको क्वाटरफाइनलमा पुगेको छ ।
राउण्ड १६ को दोस्रो लिग अन्तर्गत लिभरपुललाई १-० गोल अन्तरले पराजित गर्दै समग्रमा ६-२ को नतिजासहित रियल म्याड्रिड च्याम्पियन्स लिगको क्वाटरफाइनलमा पुगेको हो ।
रियल म्याड्रिडको जितमा खेलको ७८औं मिनेटमा करिम बेन्जमाले गरेको गोल नै खेलको निर्णायक गोल बनेको थियो ।
यसअघि सम्पन्न पहिलो लिगमा रियल म्याड्रिड ५-२ ले विजयी भएको थियो ।
योसँगै च्याम्पियन्स लिगको क्वाटरफाइनलको समीकरण पुरा भएको छ । च्याम्पियन्स लिगको क्वाटरफाइनलमा रियल म्याड्रिडसहित चेल्सी, म्यानचेस्टर सिटी, इन्टर मिलान, एसी मिलान, नापोली, बायर्न म्युनिख र बेनिफिका पुगेका छन् ।
अब क्वाटरफाइनलको ड्र शुक्रबार हुने छ भने क्वाटरफाइनलका खेलहरु अप्रिल १८ र १९ मा हुने छन् ।
