काठमाडौं । राजधानीमा जारी यस सिजनको सहिद स्मारक ए डिभिजन लिग फुटबल प्रतियोगिता अन्तर्गत पाँचौ चरण खेलमा जावलाखेल युथ क्लबले थ्री स्टार फुटबल क्लबलाई हराएको छ ।
शुक्रबार एन्फा कम्प्लेक्स सातदोबाटोमा भएको खेलमा जावलाखेलले थ्री स्टारलाई १-० गोलले पराजित गरेको हो ।
जावलाखेलको जितमा एन्कोटो मासोबीले निर्णायक गोल गरे ।
उनले खेलको १६ औं मिनेटमा निर्णायक गोल गरेका थिए । त्यसपछि बाँकी समय थप गोल नहुँदा जावलाखेल विजयी भयो
उक्त जितसँगै जावलाखेलले ५ खेलमा १० अंक जोडेको छ । यता पराजित थ्री स्टारले ५ खेलमा ७ अंक जोडेको छ ।
