असोज १ काठमाडौ । मुलुकभर पछिल्लो २४ घण्टामा थप १ हजार ५५८ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार १२ हजार ३८५ जनाको आरटी पीसीआर र एन्टिजेन विधिबाट परीक्षण गर्दा १ हजार ५५८ जनामा कोरोना संक्रमण पुष्टि भएको हो । आज थपिएकासँगै नेपालमा सक्रिय संक्रमित २५ हजार ४९७ जना रहेका छन् ।
त्यस्तै विगत २४ घण्टामा १ हजार ३५१ जना संक्रमणमुक्त भएका छन् । यो सँगै नेपालमा हालसम्म संक्रमणमुक्त हुनेको संख्या ७४६५६६ पुगेको छ । विगत २४ घन्टामा १० जनाको मृत्यु भएको छ । हालसम्म नेपालमा कूल ११०१२ जनाले संक्रमणबाट ज्यान गुमाएका छन् ।
