असोज २ काठमाडौं । मुलुकभर पछिल्लो २४ घण्टामा थप १ हजार ६६ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ११ हजार ३६५ जनाको आरटी पीसीआर र एन्टिजेन विधिबाट परीक्षण गर्दा १ हजार ६६ जनामा कोरोना संक्रमण पुष्टि भएको हो । आज थपिएकासँगै नेपालमा सक्रिय संक्रमित २५ हजार ८२ जना रहेका छन् ।
त्यस्तै विगत २४ घण्टामा १ हजार २३४ जना संक्रमणमुक्त भएका छन् । यो सँगै नेपालमा हालसम्म संक्रमणमुक्त हुनेको संख्या ७४७८०० पुगेको छ । विगत २४ घन्टामा १६ जनाको मृत्यु भएको छ । हालसम्म नेपालमा कूल ११०२८ जनाले संक्रमणबाट ज्यान गुमाएका छन् ।
