असोज १० काठमाडौं । मुलुकभर पछिल्लो २४ घण्टामा थप ८३४ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार १३ हजार ७३६ जनाको आरटी पीसीआर र एन्टिजेन विधिबाट परीक्षण गर्दा ८३४ जनामा कोरोना संक्रमण पुष्टि भएको हो । आज थपिएकासँगै नेपालमा सक्रिय संक्रमित १९ हजार १४२ जना रहेका छन् ।
त्यस्तै विगत २४ घण्टामा १ हजार २७९ जना संक्रमणमुक्त भएका छन् । यो सँगै नेपालमा हालसम्म संक्रमणमुक्त हुनेको संख्या ७६११५४ पुगेको छ । विगत २४ घन्टामा ९ जनाको मृत्यु भएको छ । हालसम्म नेपालमा कूल ११०९६ जनाले संक्रमणबाट ज्यान गुमाएका छन्
