असोज १८ काठमाडौं । मुलुकभर पछिल्लो २४ घण्टामा थप १ हजार ३० जनामा कोरोना संक्रमण पुष्टि भएको छ
स्वास्थ्य तथा जनसंख्या मन्त्रालयका अनुसार १० हजार ८७४ जनाको आरटी पीसीआर र एन्टिजेन विधिबाट परीक्षण गर्दा १०३० जनामा कोरोना संक्रमण पुष्टि भएको हो । आज थपिएकासँगै नेपालमा सक्रिय संक्रमित १६ हजार ६०६ जना रहेका छन् ।
त्यस्तै विगत २४ घण्टामा एक हजार जना संक्रमणमुक्त भएका छन् । यो सँगै नेपालमा हालसम्म संक्रमणमुक्त हुनेको संख्या ७७०२२४ पुगेको छ । विगत २४ घन्टामा १० जनाको मृत्यु भएको छ । हालसम्म नेपालमा कूल १११७४ जनाले संक्रमणबाट ज्यान गुमाएका छन् ।
