काठमाडौं । पारा ओलम्पिकमा ऐतिहासिक कास्य पदक जितेकी पलेशा गोवर्धनको काठमाडौमा भव्य स्वागत गरिएको छ ।
बुधबार बिहान त्रिभुवन अन्तर्राष्ट्रिय विमानस्थलमा ओर्लिएकी गोवर्धनलाई युवा तथा खेलकुद मन्त्री तेजुलाल चौधरी, राष्ट्रिय खेलकुद परिषद् राखेपका सदस्यसचिव टंकलाल घिसिङसहित राखेपका विशिष्ट व्यक्तिहरु र विभिन्न खेल संघका पदाधिकारीहरु,समर्थकहरूले विमानस्थल पुगेर स्वागत गरेका हुन् ।
विमानस्थलमा स्वागत गरिएपछि पलेशसहितको नेपाली टीमलाई एयरपोर्ट, गौशाला, पुरानो बानेश्वर, मैतीदेवी, डिल्लीबजार, बागबजार, भद्रकाली, शहीदगेट, त्रिपुरेश्वर चोक हुँदै नगर परिक्रमा गराइएको थियो ।
त्यपछि उनलाई राष्ट्रिय खेलकुद परिषद्को प्राङ्गणमा स्वागत गरियो । कार्यक्रममा पदक विजेता पलेशाले अब नेपालसँग पनि ओलम्पिक पदक छ भन्ने इतिहास बनाउन पाउँदा आफू निकै उत्साहित भएको बताइन् ।
पलेसाले गत शुक्रवार राति कास्य जितेकी थिइन् । कुनै पनि किसिमको ओलम्पिक खेलकुदमा नेपालले जितेको यो पहिलो पदक हो ।
