असोज ३० काठमाडौं । माल्दिभ्समा जारी १३औं संस्करणको साफ च्याम्पियनसीपको उपाधिका लागि आज (शनिबार) नेपाल र भारतबीच प्रतिस्पर्धा हुँदै छ ।
माल्दिभ्सको मालेस्थित राष्ट्रिय रंगशालामा शनिबार नेपाली समयअनुसार राति पौन ९ बजे हुने फाइनलमा खेलमा नेपाल इतिहास रच्ने दाउमा हुनेछ । नेपाल पहिलोपटक यस प्रतियोगिताको फाइनलमा पुगेको हो । तर, भारतले सात पटक उपाधि जितिसकेको छ ।
गत बुधबार बंगलादेशसँग बराबरी खेलेर नेपालले फाइनलको यात्रा तय गरेको हो । नेपालले पहिलो दुई खेल जिते पनि भारतसँग भने पराजय व्यहोरेको थियो ।
