काठमाडौं । आइसीसी एकदिवसीय विश्वकप लिग २ अन्तर्गतको सिरिजमा नेपालले विजयी शुरुवात गरेको छ ।
गएराती सम्पन्न खेलमा स्कटल्याण्डलाई एक विकेटले पराजित गर्दै नेपालले विजयी भएको हो ।
२९७ रनको लक्ष्य पछाएको नेपालले ४९.५ ओभरमा ९ विकेट गुमाउदै लक्ष्य पुरा गरेको हो ।
नेपालको जितमा करण केसीले शानदार ब्याटिङ गरेका थिए । करणले अविजित ६५ रन बनाउदै नेपाललाई जित दिलाएका हुन् भनेल कुशल भुर्तेलले ५३ , गुलशन झाले ४२, भिम सार्कीले ४०, कप्तान रोहित पौडेलले ३७, आसिफ सेखले २० रन बनाएका थिए ।
यसअघि टस हारेर पहिला ब्याटिंग गरेको स्कटल्याण्डले ५० ओभरमा ७ विकेट गुमाउदै २९६ रन बनाएको थियो । स्कटल्याण्डका लागि चार्ली टीरले सर्बाधिक ८० रन बनाए भने फिनाली म्याकरीथले ५५ रन बनाएका थिए ।
नेपाली बलर रिजन ढकाल, करण केसी र सोमपाल कामीले २–२ विकेट लिएका थिए भने सन्दीप लामिछानेले एक विकेट लिए ।
यो जितपछि नेपालको लिग–२ मा १३ खेलमा ८ अंक भएको छ र नेपाल एक स्थान माथि उक्लिदै सातौं स्थानमा पुगेको छ ।
अब यस सिरिज अन्तर्गत नेपालले अर्को खेल भोली नेदरल्याण्डससँग खेल्ने छ ।
